29. mai 2016

21.-29. mai: Rekordstort frammøte på kunstutstilling

Tett på 100 personar møtte fram til opninga av kunstutstillinga av Petter Fredriksen (1916-1998) sine maleri, teikningar og skisser på Fårebygget Galleri laurdag 21. mai.



Opningarrangement

På opningsdagen deltok Nora Berg Markussen og Vilde Øyen Karlsen  med song og musikk, og dei viste at det gror godt i dagens kulturliv i Kvæfjord.

Nora Berg Markussen og Vilde Øyen Karlsen
Marianne Sletten og Torunn Nilssen frå Harstad Kunstforening har stått for det praktiske arbeidet med å gå gjere eit utval av  bildematerialet og kurere sjølve utstillinga.
Torunn Nilssen (t.h.) og Marianne Sletten

Magne Heide overrekte blomster til alle desse som hadde bidratt, og Hildur Fredriksen fekk også takk frå historielaget for stor velvilje med å bidra til å realisere utstillinga.
Arne-Johan Johansen og Hildur Fredriksen
Lars Tverseth takka også for utstillinga og overrekte på vegner av Kvæfjord kommune  blomster til Kvæfjord historielag ved Arne-Johan Johansen for arbeidet med å bringe ein av bygdas kunstnarar fram i lyset.

Arne-Johan Johansen fortalte om arbeidet som han hadde lagt ned dei siste to-tre åra med å skrive om Petter Fredriksen (Årboka 2014) og arbeidet fram mot å realisere denne utstillinga.

Godt besøk i opningstida

Utstillinga som har vore open over to helger, har hatt eit godt besøk. Til saman har rundt 300-400 personar besøkt denne utstillinga dei fire dagane ho har vore open.

Gløtt frå utstillinga

Her viser vi nokre bilde frå sjølve utstillinga:







Ingen kommentarer:

Legg inn en kommentar

Skriv gjerne ein kommentar under fullt namn som vi vil vurdere for publisering.